கிராமப்புற எரிசக்தி பாதுகாப்புக்கான பரிசோதனை திட்டங்கள்

மின்வாரியம் மூலம், மின்சாரம் கிடைக்காத தொலைதூர கிராமங்களில் வாழும் மக்களுக்கு மின்சாரம் வழங்குவதுடன், அவர்கள் அன்றாட எரிசக்தி தேவைகளை, புதுப்பிக்கக் கூடிய எரிசக்தி ஆதாரங்களிலிருந்து வழங்குதலே இத்திட்டத்தின் முக்கிய நோக்கமாகும்.

கிராமங்களில் எரிசக்தி உற்பத்தி முறையில் உள்ள பொருளாதார தொழில்நுட்ப யுக்திகளை விளக்கவும், உற்பத்தி தொழில்நுட்பங்களை கையாளும் அனுபவங்களை அளிக்கவும், ஊரக குழுக்கள் மற்றும் அமைப்புகளை ஒருங்கிணைத்தலுமே இந்த பரிசோதனைத் திட்டங்களின் முக்கிய பணிகளாகும்.

மின்வாரியம் மூலம் மின்சாரம் கிடைக்காத தொலைதூர சிறிய கிராமங்களில்  இத்திட்டம் செயல்படுத்துப்படும்

• திட்டம் முழுமையாக கிராம சமுதாயத்திற்கு சொந்தமானதாக இருக்க வேண்டும்.  செயல்படுத்துதல் மற்றும் பராமரித்தல் போன்ற பொறுப்புகளை கிராமவாசிகளே ஏற்க வேண்டும்.
• இருப்பினும் நடைமுறைப்படுத்தும் நிறுவனங்கள், கிராமவாசிகளக்கு திட்ட செயலாக்கத்திற்கு இரண்டு ஆண்டுகள் வரை உதவி செய்யலாம். அவ்வாறு உதவி செய்யும் போது, கிராமத்திலுள்ள இளையோர்களுக்கு நடைமுறைப்படுத்தும் நிறுவனங்கள் திட்ட செயலாக்கம் மற்றும் பராமரிப்பில் பயிற்சி அளிக்கும்.  இதன்பிறகு அனைத்து பொறுப்புகளும் கிராம எரிசக்தி குழுவிற்கு சென்றுவிடும்.  தேவையானால், கிராம எரிசக்தி குழு, திட்ட செயலாக்கப் பணியை ஏதாவது ஒரு நிறுவனத்திடம் செயல்படுத்துமாறு பணிக்கலாம். 
• மாற்று எரிசக்தி பயன்பாட்டுக்கான மாவட்ட அளவிலான ஆலோசனைக் குழுவின் தலைவர் - மாவட்ட ஆட்சித்தலைவர், மாவட்ட ஊரக வளர்ச்சி முகமையின் திட்ட அலுவலர் - உறுப்பினர் செயலர், மாவட்ட அளவிலான முக்கிய துறைகளின் தலைவர்கள், முக்கியஸ்தர்களை பரிசோதனை அடிப்படையிலான திட்டங்களை செயல்படுத்தும் போது ஈடுபடுத்திக்கொள்வது அவசியம்.
• திட்டம் முழுமையாக செயல்படத் துவங்கும் வரை, மாதாந்திர அளவில், பணிகள் எப்படி நடைபெறுகின்றன என்பது குறித்த அறிக்கையை மாநில சார்பு நிறுவனங்கள் அமைச்சகத்திற்கு அனுப்பப்பட வேண்டும்.  திட்டம் செயல்படத் துவங்கிய பின், காலாண்டுக்கு ஒரு முறை திட்டம் குறித்த அறிக்கைகளையும், மக்கள் கருத்துக்களையும் அனுப்ப வேண்டும்.
• அமைச்சகம், திட்ட செயலாக்கம் பற்றி தொடர் கண்காணிப்பு தனியாகவே செய்யும்.  தேவை ஏற்படின் இதற்காக உள்ள நிறுவனங்களின் சேவையையும் பயன் படுத்திக்கொள்ளும்.

• 90 சதவிகித நிதி, மத்திய அரசிடமிருந்து பெறலாம், எப்போது? ஒரு பயனாளியின் சொந்த மற்றும் அவரின் சுற்றுப்புற எரிசக்தி தேவை பூர்த்தியாகும் பட்சத்தில் ஒருவருக்கு 20,000/- ரூபாய் வரை அதிகபட்சமாக பெறலாம்.
• மீதியுள்ள 10 சதவிகித நிதி, கிராம சமூகம், நடைமுறைப்படுத்தும் நிறுவனங்கள், மாநில சார்பு நிறுவனங்கள் - இவைகளிடமிருந்து மீதித் தொகையை பெறலாம்.
• மத்திய நிதி உதவி, கிராம மூலதன நிதிக்கு எப்படி அனுப்பப்படும் என்றால்.

 - திட்டம் செயல்படுத்தலாம் என்ற முதல் ஒப்புதல் அளிக்கும்போது 50   சதவிகித நிதி அளிக்கப்படும்.

    - திட்டம் செயல்படுத்தும் இடத்திற்கு, தேவையான உபகரணங்கள் வந்து சேர்ந்த உடன் 2-வது தொகையாக 25 சதவிகிதம் அளிக்கப்படும்.
-  மூன்றாவது மற்றும் இறுதி நிதி உதவி 25 சதவிகிதத் தொகை, வெற்றிகரமாக  திட்டம் செயல்படத் துவங்கியதும், மற்றும் ஒரு மாத காலம் நன்றாக  
  செயலபட்டதை பார்வையிட்டதும், மீதித் தொகை வழங்கப்படும்

மத்திய நிதி உதவி ஒரு சில சார்பு செயல்பாடுகளுக்கும் வழங்கப்படுகிறது.

• செயலாக்கம், பராமரிப்பு, மற்றும் மேம்பாட்டு நிதியை பயனாளிகளின் பயன்பாட்டு செலவாக எடுத்துக்கொள்ள வேண்டும்.  இது திட்ட செயலாக்கத்திற்கு சிரமத்தை ஏற்படுத்தும் பட்சத்தில், செயலாக்கம், பராமரிப்பு, மேம்பாட்டுக்காக மத்திய நிதி உதவியாக ஒவ்வொரு திட்டத்திற்கும் அதிகபட்சமாக 10 சதவிகித நிதி என வழங்கப்படும். பயனாளிகளின் பயன்பாட்டு செலவு வசூல் செய்தமைக்கான முயற்சி பற்றி அமைச்சகத்திற்கு கட்டாயம் தெரிவிக்க வேண்டும்.
• மொத்த நிதி உதவியில் 20 சதவிகிதம் - செயல்படுத்தும் நிறுவனங்களுக்கு, தொழில்சார்ந்த கட்டணமாக வழங்கலாம்.  இதில் ஒரு கிராமத்திற்கு அதிகபட்சமாக 4லட்சம் ரூபாய் வரை வழங்கலாம்.
• மொத்த நிதியில் சேவைக் கட்டணமாக 10 சதவிகிதம், அதிகபட்சம் ஒரு கிராமத்திற்கு 2லட்சம் ரூபாய் வரை மாநில சார்பு நிறுவனங்களுக்கு, கண்காணிப்பு, அறிக்கை சமர்ப்பித்தல், மக்கள் கருத்துக்களை கேட்டறிதல் ஆகிய பணிசெலவுக்காக வழங்கலாம்.
• பரிசோதனைத் திட்டங்கள் பற்றிய விழிப்புணர்வு ஏற்படுத்துதல், பயிற்சி, கருத்தரங்கம், பயிற்சி பட்டறைகள் நடத்துவதற்கும் நிதி உதவி அளிக்க முடியும் - ஒவ்வொரு பயிற்சிக்கும் அதன் செயல் அடிப்படையில்.
• திட்டத்தை நடைமுறைபடுத்தும் நிறுவனங்களுக்கு நேரடியாகவே தொழிற்சார்ந்த கட்டணம் வழங்கப்படும்.  மாநில சார்பு நிறுவனங்களுக்கு சேவைக் கட்டணங்கள் திட்டம் முழுமை பெற்றபின் வழங்ககப்படும்.  செயலாக்கம், பராமரிப்பு, மற்றும் மேம்பாட்டுக்கான மத்திய நிதிஉதவி தேவையின் அடிப்படையில் கொடுக்கப்படும்.
• திட்டப்பணி வெற்றிகரமாக முடிந்தபின், செயலாக்கத்திற்கு வந்தபின், முடிவுபெற்ற சான்றிதழை கிராம எரிசக்தி குழு, மாநில சார்பு நிறுவனம் ஆகியவை இணைந்து வழங்க வேண்டும்.  அதன்பின்னரே நிறைவு நிதி உதவி அனுமதிக்கப்படும்.
• கிராம பஞ்சாயத்து அல்லது இணை வனமேம்பாட்டுக் குழு - எதுவாக இருந்தாலும், கிராம எரிசக்தி குழுவின் கணக்கு வழக்குகளை சரிபார்த்தல், சரிபார்த்தபின் நிதி உதவி பயன்படுத்திய சான்றிதழ் வரையறுக்கப்பட்ட முறையில் மாநில சார்பு நிறுவனத்தின் மூலமாக அமைச்சகத்திற்கு அனுப்பி வைக்க வேண்டும்.