அக்ஷய் உர்ஜா கடைகள்

மாநில அளவிலான தொடர்பு நிறுவனங்கள், தனியார் தொழில் முனைவோர், இக்கடைகளை நாட்டின் அனைத்து மாவட்டங்களிலும் நிறுவி செயல்படுத்தக்கூடிய தன்னார்வ தொண்டு நிறுவனங்கள்.

• நிதியுதவிக்காக விண்ணப்பிப்பவர்கள், இக்கடைகளை நிறுவுவதற்கு அதிகபட்சமாக 10 லட்சம் வரை குறிப்பிட்ட வங்கிகளில் கடனாகப் பெற தகுதியுடையவர்கள். இதில், அதிகபட்சமாக 85 சதவிகிதம் வரை, 7 சதவிகித வட்டியில்  கடனாக கிடைக்கும்.  இக்கடனை 5 ஆண்டுகளில் திரும்ப செலுத்தவேண்டும்.
• குறிப்பிட்ட அளவு குறைந்தபட்ச வியாபார அளவுக்குட்பட்டு, மாநில தொடர்பு நிறுவனத்திடமிருந்து அன்றாடத் தேவைகளுக்கான நிதியுதவியும், ஊக்கத் தொகையும், கீழ்கண்டவாறு பெறலாம்:
  • ஒரு மாதத்திற்கு ரூ.5000/- வரை, வேலையாள் சம்பளம்,  மின்சாரம், தொலைபேசி கட்டணம் மற்றும் இதர செலவுகளுக்காக நிதியுதவி
  • முதல் வருடத்தில், பிரதி மாதம் ரூ. 50,000 மற்றும், இரண்டாமாண்டில் பிரதி மாதம் ரூ. 1,00,000 வரை வியாபாரம் செய்தால், ஊக்கத்தொகையாக ஒரு மாதத்திற்கு ரூ.5000/- வழங்கப்படும்.
  • இத்திட்டம் மாநில தொடர்பு நிறுவனங்கள் மற்றும் IREDA. மூலம் செயல்படுத்தப்படும்

• ஒவ்வொரு மாவட்டத்திலும் ஒரு கடை மட்டுமே நிறுவப்படவேண்டும். ஏற்கெனவே இக்கடை உள்ள மாவட்டத்தில் இன்னொரு கடை வைக்கக்கூடாது
• இந்த கடைகளின் பரப்பளவு குறைந்தபட்சம் 200 சதுர அடியாக இருக்கவேண்டும் (கிடங்கு தவிர). இக்கடைகள் கட்டப்பட்டதாகவோ, வாங்கப்பட்டதாகவோ அல்லது புதுப்பிக்கப்பட்டதாகவோ இருக்கவேண்டும். வாடகைக்கு எடுக்கப்படும் கடைகளுக்கு அரசாங்கத்தின் நிதியுதவி வழங்கப்படாது. .
• நகரத்தின் முக்கிய இடத்தில், எளிதல் சென்றடையும் வகையில் கடை இருக்கவேண்டும்
• இக்கடைகளுக்கு நாடு முழுவதும் ஒரே பொதுவான பெயர் வைக்கப்படவேண்டும். ‘அக்ஷய் உர்ஜா கடைகள்’ என்று பளபளக்கும் 8’ x 3’ என்ற அளவிலான போர்டில் பொறிக்கப்படவேண்டும். கடைப் பெயரின் முன், எடுத்துக்காட்டாக கடையின் உரிமையாளர் பெயர் “..........அக்ஷய் உர்ஜா கடை’ என்ற முறையில் இருக்கவேண்டும்..
• இக்கடைகள், நாகரீகமான உட்புறங்களுடன்  வாடிக்கையாளர்களை கவருமாறு வெளிச்சமாக இருக்கவேண்டும்
• இக்கடையில் குறைந்தது இரண்டு ஊழியர்கள் இருக்கவேண்டும். அதில் ஒருவர் புதுப்பிக்கவல்ல ஆற்றலில் செயல்படும் கருவிகளை பழுது பார்க்கவும், சர்வீஸ் செய்வதற்கும் உரிய தொழில் அறிவை பெற்றவராக இருக்கவேண்டும். புதிய மற்றும் புதுப்பிக்கவல்ல எரிசக்தித்துறை அமைச்சகம் இக்கடையில் அமர்த்தப்படும் ஊழியர்களுக்கு பொறுப்பேற்காது
• இக்கடைகள் வணிக நிறுவனங்களைப்போல இயங்கி, தனக்கான  வருமானத்தை ஈட்டவேண்டும் என எதிர்பார்க்கப்படுகிறது.
• இக்கடைகளில் விற்ற பொருட்களுக்கு பழுது மற்றும் சர்வீஸ் செய்வது மட்டுமன்றி, இதர வகைகளில் வாங்கப்பட்ட புதுப்பிக்கவல்ல ஆற்றலில் இயங்கும் கருவிகளை பழுதுபார்க்கும் சேவையை நியாயமான விலையில் செய்து தரவேண்டும்.
• நுகர்வோருக்கு ஏற்ற வகையில் இக்கடைகள் இயங்கவேண்டும். மாறுபாடான மற்றும் வசதியில்லாத நேர அணுகுமுறைகள் தவிர்க்கப்பட வேண்டும்,  இக்கடைகளில், பல்வேறு நிறுவனங்களால் தயாரிக்கப்பட்ட பலவித புதுப்பிக்கவல்ல ஆற்றலில் இயங்கும் கருவிகளை, வாடிக்கையாளர் பார்த்து தேவையானதை தேர்ந்தெடுத்து வாங்குமாறு  பார்வைக்கு வைக்கவேண்டும்.
• இக்கடைகளில் விற்கப்படும் பொருட்களின் சரியான விலைப்பட்டியல், நுகர்வோரின் பார்வையில் படுமாறும் கைக்கு கிடைக்குமாறும் வைக்கப்பட வேண்டும். மேலும் அங்கு விற்கப்படும் கருவிகள் பற்றிய விவரங்களையும் கடைக்கு வரும் பொது மக்களுக்கு எடுத்துக் கூற வேண்டும்.
• இக்கடைகளை வணிக ரீதியாக லாபம் பெறும் நிறுவனங்களாக இயக்க, ஆற்றலை சேமிக்கும் சி.எஃப். எல் பல்புகள், விளக்குகளின் உதிரி பாகங்கள், அதிக திறன் வாய்ந்த கெரசின் அடுப்புகள் போன்றவற்றை சேர்த்து விற்பனை செய்யலாம்.
• புதுப்பிக்கவல்ல ஆற்றலில் இயங்கும் கருவிகள் அல்லது இதர பொருட்கள் தயாரிப்பு மற்றும் வியாபாரம் போன்றவற்றிற்கு கடன் அளிக்கும் வங்கிகளுடன், நுகர்வோரின் நன்மைக்காக தொடர்பு வைத்திருக்கவேண்டும்.