ஊட்டச்சத்து மற்றும் வளர்ச்சி

ஊட்டசத்து மற்றும் வளர்ச்சி பற்றி ஒவ்வொரு குடும்பம் மற்றும் சமூகம் தெரிந்துகொள்வ வேண்டியது என்ன?

1. சிறு குழந்தை நன்றாக வளர வேண்டும் மற்றும் வேகமாக உடல் எடை அதிகரிக்க வேண்டும். பிறந்ததிலிருந்து இரண்டு வயது வரை, குழந்தைகளின் எடையை ஒவ்வொரு மாதமும் கவனிக்க வேண்டும். இரண்டு மாதத்திற்கு குழந்தையின் எடை அதிகரிக்கவில்லை என்றால் ஏதோ தவறு என்று அர்த்தம்.
2. ஆறு மாதம் வரை சிசுவிற்கு தேவையான உணவும் பானமும் தாய்ப்பால் மட்டுமே. ஆறு மாதத்திற்கு பின் தாய்ப்பாலுடன் குழந்தைக்கு மற்ற வித விதமான உணவுகளும் தேவை.
3. ஆறு மாதம் முதல் இரண்டு வயது வரை, குழந்தைகளுக்கு ஒரு நாளில் தாய்ப்பாலுடன் 5 முறை உணவும் அளிக்க வேண்டும்.
4. நோயை எதிர்க்க மற்றும் பார்வையின் பாதிப்பை வராமல் தவிர்க்க குழந்தைகளுக்கு வைட்டமின் – ஏ தேவை. அதிகமான பழங்கள் மற்றும் காய்கறிகள், எண்ணெய், முட்டை, பால் சார்ந்த பண்டங்கள், மெருகேற்றிய உணவுகள், தாய்ப்பால் அல்லது வைட்டமின்–ஏ மருந்துகளில் வைட்டமின்-ஏ உள்ளது.
5. உடல் மற்றும் புத்தி திறனை பாதுகாக்க, குழந்தைகளுக்கு இரும்பு சத்து நிரைந்த உணவுகள் தேவை. ஈரல் கொழுப்பில்லா மாமிசம், மீன், முட்டை மற்றும் இரும்பு சத்து மெருகேற்றிய உணவுகள் அல்லது இரும்பு மாத்திரைகள் போன்றவை இரும்புச்சத்தை வழங்கும்.
6. கற்றுகொள்ளும் குறைபாட்டை மற்றும் மேம்பாட்டு தாமதத்தை தவிர்க்கவும், அயோடைட் உப்பு அவசியம்.
7. உடல் நலம் சரியில்லாத போது, குழந்தைகள் தொடர்ந்து சரியாக சாப்பிட வேண்டும். சரியான பின்பு, குழந்தைகள் குறைந்த பட்சம் ஒரு நாளைக்கு ஒரு வேளை அதிகமான உணவை ஒரு வாரத்திற்காவது சாப்பிட வேண்டும்.