ముఖ్య సందేశం - 4

గరుకుగా దగ్గే పిల్లలకు వెంటనే వైద్య సహాయం అవసరం. ఇలాంటి పిల్లలకు ఊపిరితిత్తుల్లో ఇన్ ఫెక్షన్ కలిగించే ట్యూబర్ క్యూలోసిస్ (టి.బి) ఉండవచ్చు.

టి.బి చాలా ఆందోళనకరమైన జబ్బు. ఇది పిల్లల ప్రాణాలను బలిగొంటుంది. లేదా వారి ఊపిరితిత్తులను శాశ్వతంగా దెబ్బతీస్తుంది. టి.బిని నివారించటానికి కుటుంబాలు ఈ క్రింద పేర్కొన్న చర్యలను పాటిస్తేచాలు.

• పిల్లలకు పూర్తిగా టీకా మందులు ఇవ్వాలి. బి.సి.జి. టీకా కొన్ని రకాల టి.బి. వ్యాధుల నుంచి రక్షణ కల్పిస్తుంది.
• టి.బి. వ్యాధి గ్రస్తుల నుంచి మరియు ఉమ్మిలో రక్తం పడే వారి నుంచి పిల్లలను దూరంగా ఉంచాలి.

ట్యూబర్ క్యులోసిస్ తగ్గటానికి ఆరోగ్య కార్యకర్త ఇచ్చిన ప్రత్యేక మందును సూచించిన విధంగా నిర్దేశించిన కాలం వరకూ ఇవ్వాలి. ఒకవేళ, పిల్లలు కోలుకున్నట్లు కనిపించినప్పటికీ ఈ మందులు ఇవ్వటాన్ని మధ్యలోనే నిలిపివేయరాదు.

ముఖ్య సందేశాలకు సంబంధిత అదనపు సమాచారము: 1   2   3   4   5