இருமல், சளி மற்றும் மிகவும் மோசமான சுகவீனங்கள்

ஒவ்வொரு குடும்பமும் மற்றும் சமுதாயமும் இருமல், சளி மற்றும் மிகவும் மோசமான சுகவீனங்களைப் பற்றி அறிந்து கொள்ள வேண்டியவை பின்வருபவை

1. ஒரு குழந்தைக்கு இருமல் அல்லது சளி இருந்தால், அக்குழந்தையினை கதகதப்பான நிலையில் வைத்துக் கொள்ள வேண்டும். அக்குழந்தையை முடிந்த அளவுக்கு, சாப்பிடவும், குடிக்கவும் உற்சாகப்படுத்த வேண்டும்.
2. சில நேரங்களில் இருமல் மற்றும் சளி போன்றவை மோசமான உடல்நலப் பிரச்சினைகளுக்கு அடையாளங்களாகும். ஒரு குழந்தை வேகமாக சுவாசித்தாலோ அல்லது சுவாசிப்பதில் சிரமம் ஏற்பட்டாலோ அக்குழந்தைக்கு நிமோனியா (சளிக்காய்ச்சல்) இருக்கும். இது ஒரு நுரையீரல் நோய்தொற்று. இது ஒரு ஆபத்தான நோய் என்பதால், அக்குழந்தைக்கு உடனடி மருத்துவ சிகிச்சை தேவை.
3. பிறந்த முதல் 6 மாதங்கள் வரை குழந்தைகளுக்கு முழுக்க தாய்ப்பால் கொடுப்பது, போஷாக்கான உணவுகளை அளிப்பது, தடுப்பூசிகளை முழுமையாக போடுவதின் மூலமும் குழந்தைகளுக்கு நிமோனியா வருவதை தடுத்து நிறுத்த உதவ முடியும்.
4. ஒரு குழந்தைக்கு கடுமையான இருமல் இருந்தால், அக்குழந்தைக்கு உடனடி மருத்துவ சிகிச்சை தேவை. அக்குழந்தைக்கு டியூபர்குளோஸிஸ் (எலும்புருக்கிநோய்) இருக்கலாம். இது ஒரு நுரையீரலில் ஏற்படும் நோய்தொற்று
5. குழந்தைகள் மற்றும் கர்ப்பிணிப் பெண்கள் குறிப்பாக சமையல் அடுப்பு புகை மற்றும் புகையிலையிலிருந்து வரும் புகை போன்றவற்றிற்கு உட்படுத்தப்படும்போது, அவை நோய் ஏற்பட இடர்காரணியாக உள்ளன