శిశు సంరక్షణ – ఆరోగ్యం

శిశు సంరక్షణలో ఆరోగ్య సంరక్షణకి ప్రముఖ స్థానం ఉంది. అలాగే శిశు ఆరోగ్య రక్షణలో మాతృ సంరక్షణ కూడా ఒక భాగం . తల్లి ఆరోగ్యానికి, శిశు ఆరోగ్యానికి అవినాభావ సంబంధం ఉంది. ఆరోగ్యంగా ఉన్న తల్లి సంరక్షణలో పిల్లల ఆరోగ్యం మరింత మెరుగ్గా ఉంటుంది. ఆరోగ్యమే మహాభాగ్యం – ఇది సామెత మాత్రమే కాదు. ఆచరణలో పెట్టవలసిన అతి ముఖ్యమైన అంశం కూడా. ఆరోగ్యం కాపాడుకోవడం మన చేతుల్లో ఉంది. దేవుడా నీదే భారం, అనే రోజులు పోయాయి. వైజ్ఞానికంగా మానవుడు ఎంత పెరిగాడంటే, రోగాలు – రోగ కారకాలు, రోగ నివారణల గురించి ఎన్నో విషయాలు కనుగొన్నాడు. రోగ కారక సూక్ష్మజీవులు అనారోగ్యం అనేది గుర్తించి వాటిపై విజయం సాధించాడు. మన శరీర ఆరోగ్యం పరిసరాల పరిశుభ్రత పై ఎక్కువగా ఆధారపడి ఉంటుంది. అలాగే మనం తినే ఆహారం, తాగే నీళ్ళు, పీల్చే గాలి మీద కూడా ఇది ఆధారపడి ఉంది. రోగ కారణాలు, సూక్ష్మజీవుల పాత్ర, రోగ నివారణ, టీకాలు మొదలైన విషయాల గురించి ప్రాథమిక సమాచారం పిల్లలకు, పెద్దలకు కూడా ఉపయోగం.

ఆధారం : మహిళాభివృద్ధి శిశుసంక్షేమ శాఖ – ఆంధ్రప్రదేశ్